Вселенското летало на НАСА „Марс 2020“, кое се упатува кон Марс со новиот ровер „Истрајност“, наиде на одредени технички потешкотии и привремено работеше во „безбеден режим“, соопшти агенцијата.
„Податоците покажуваат дека леталото влегло во состојба наречена „безбеден режим“, веројатно затоа што дел од леталото се оладило многу повеќе од очекуваното додека леталото било во сенка на Земјата“, се вели во соопштението на НАСА. Кога леталото ја напушти сенката на Земјата, температурата веднаш се врати во нормала.
Според вселенската агенција, кога уредот ќе премине во безбеден режим, ги оневозможува сите системи освен главните додека не добие нови команди од контролниот центар на летот. „Во моментов, експертите на мисијата Марс 2020 ја завршуваат целосната проценка на состојбата на леталото и работат на негово враќање на номиналната конфигурација за летот до Марс“, велат од НАСА.
Исто така, имаше одложување на мисијата во воспоставувањето контакт со лабораторијата за млазен погон во Пасадена и нејзиниот центар за контрола на летот.
Марс 2020 го испрати својот прв сигнал до контролорите на земјата во 9:15 часот (16:15 часот по киевско време), но не воспостави телеметрија до 11:30 часот (18:30 часот по Киев).
Мет Валас, заменик-менаџер на мисијата, рече дека фактот што леталото влезе во безбеден режим не е ништо за грижа. „Тимот работи на телеметријата, досега се што видов изгледа добро, ќе знаеме повеќе наскоро“, коментира тој.
Прочитајте исто така: